home 首頁 navigate_next 系所介紹 navigate_next 職涯發展
職涯發展

 桃園係全國客家人口第一多个縣市,境内語言豐沛、族群多元,農、工、商業都盡發達。本系掌握在地優勢,推廣客語薪傳、扶植客家產業,乜在客家社團參與頂高深根在地資源,做得分學生仔當多樣个出路選擇。

 本系學生仔畢業以後,做得申請客家相關或者係人文社會科學領域个學術單位進修抑係做頭路;乜做得參加公職考試,做公務人員,抑係到各級政府機關擔任約聘僱人員;另外,做得參加教師甄試,做中小學先生,抑係申請變做客語薪傳師、客語支援教師等傳承客家語言摎文化。

 除此以外,做得入去客家社團、社會民間機構、NGO摎NPO等組織,做專業管理人;或者做客家傳播媒體從業人員、客家事務機關專業人員、客家文化產業經營管理人員、客庄文化資源調查人員、客語字典編寫人員;也做得去文化事業、公關公司、社會調查相關行業、人力公司等位所做頭路。